Кездесу барысында мекеме қызметкерлеріне еңбек және әкімшілік заңнама талаптары жеткізіліп, заңдылық пен құқықтық тәртіпті сақтау мәселелері түсіндірілді.
Сонымен қатар, аудан аумағындағы жол-көлік оқиғаларының алдын алу, интернет-алаяқтық, дропперлік, тұрмыстық зорлық-зомбылық мәселелері бойынша профилактикалық түсіндіру жұмыстары жүргізілді. Сондай-ақ, «Заң және Тәртіп» идеологиясын ілгерілету және «Таза Қазақстан» экологиялық акциясын іске асыру бағытындағы мәселелер талқыланды.
Кездесуге қатысушыларға құқық бұзушылықтар жасағаны үшін көзделген жауапкершілік шаралары түсіндіріліп, қолданыстағы заңнама талаптарын сақтау жөнінде ұсынымдар берілді.
